Goa Accident: अनेक अपघात हे ओव्हरटेकिंग केल्यामुळेच होतात. असाच एक विचित्र अपघात काल रात्री घडला आहे. ओव्हरटेकिंग करण्याच्या नादात कान्सा थिवी येथे एक कार दगडी कथड्याला जाऊन आदळली.

माहितीनुसार, सुदैवाने यात कारचालकाला कोणत्याही प्रकारची जीवितहानी झाली नाही.

दरम्यान, हे प्रकार गोव्यात थांबण्याचे नावच घेत नाहीत. स्मार्ट सिटीची कामे एका बाजूला सुरू आहेत. तर दुसऱ्या बाजूला न्यायालयाने रस्त्याची उंची वाढू नये म्हणून डांबरीकरण करताना सुरुवातीचे थर काढून त्यावर डांबरीकरण करण्यास बजावले आहे.

त्यामुळे मळा परिसरातील रस्त्यावरील डांबरीकरणाचा थर काढून त्यावर नव्याने डांबरीकरण करण्याचे काम सुरू आहे. हे काम करीत असताना काही ठिकाणची जमीन भुसभुशीत असल्याने त्यावरून अवजड वाहन गेल्यास ते रुतून बसत असल्याचा प्रकार शनिवारी दिसून आला.