Book Publication 26 ऑक्टोबरपासून गोव्यात सुरु असलेल्या 37 व्या राष्ट्रीय क्रीडा स्पर्धेचा आज समारोप होत असून या सोहळ्यासाठी उपराष्ट्रपती जगदीप धनखड गोव्यात दाखल झाले आहेत.

समारोप सोहळ्याअगोदर उपराष्ट्रपती जगदीप धनखड यांच्या हस्ते राज्यपाल पी.एस.श्रीधरन पिल्लई लिखित वामन वृक्ष कला या द्विशतकीय पुस्तकाचे प्रकाशन नव्या दरबारात करण्यात आले.

यावेळी व्यासपीठावर मुख्यमंत्री डॉ. प्रमोद सावंत, राज्यसभा खासदार पी.टी. उषा, ज्ञानपीठ पुरस्कार विजेते ज्येष्ठ साहित्यीक दामोदर मावजो उपस्थित होते.

यावेळी बोलताना धनखड यांनी वामन वृक्ष कला पुस्तकाबद्दल गौरवोद्गार काढले. ते म्हणाले, ''बोन्साई ज्याला वामन वृक्ष कला संबोधले जाते ती इतर देशातून आलेली नाही या कलेची सुरूवात 5 हजार वर्षापूर्वी भारतातच झाली आहे.

राज्यपाल पी.एस.श्रीधरन पिल्लई वामन वृक्ष कला पुस्तका संबंधी सविस्तर पुराव्यासहित माहिती दिली आहे. वामन वृक्ष कलेचे सुरूवात भारतातच झाल्याचे उपराष्‍ट्रपती जगदीप धनखड यांनी सांगितले.