भारतीय घटनेनुसार ओबीसी आणि एसी समाजाला शिक्षणाचा अधिकार मिळवून दिला. परंतु आम्हांला अजून आपले हक्क मिळविण्यासाठी संघर्ष करावा लागत आहे.

अजूनही गोवा वैद्यकीय महाविद्यालयात (गोमेकॉ) ओबीसी समाजाच्या विद्यार्थ्यांना आरक्षण मिळत नाही. सरकार आम्हांला आरक्षण देऊ इच्छित नसेल, तर तसे स्पष्ट सांगावे.

पुढील पंधरा दिवसात गोवा वैद्यकीय महाविद्यालयात शिक्षणासाठी आरक्षण प्रक्रिया पूर्ण करावी, अशी मागणी राष्ट्रीय ओबीसी महासंघाचे गोवा प्रदेश अध्यक्ष मधू नाईक यांनी सांगितले. ते पणजी येथे आयोजित पत्रकार परिषदेत बोलत होते.

यावेळी एसटी समाजाचे नेते कृष्णा शिरोडकर, व सुनील नाईक उपस्थित होते. ओबीसी समाजाला तसेच एसटी समाजातील विद्यार्थ्यांना शिक्षणात आरक्षण मिळावे यासाठी ओबीसी नेत्यांनी पुढाकार घ्यावा, असे त्यांनी सांगितले.

येत्या पंधरा दिवसात सरकारने जर यासंबंधात सकारात्मक पाऊले उचलली नाहीत, तर आम्हांला पुढील वाटचाल ठरवावी लागेल, असा इशारा त्यांनी यावेळी दिला.