पणजी: काँग्रेस पक्ष सोडून गेलेल्या कार्यकर्त्यांनी आता मागे फिरावे आणि पक्षात यावे, अशी साद प्रदेशाध्यक्ष गिरीश चोडणकर यांनी घातली आहे. प्रदेशाध्यक्ष झाल्यानंतर पक्षीय कामकाज समितीची बैठक कार्यालयात शनिवारी बोलविली होती.

या बैठकीनंतर त्यांनी वरील मत व्यक्त केले. या बैठकीस गोवा प्रभारी माणिकराव ठाकरे, प्रभारी सचिव अंजली निंबाळकर, विरोधी पक्षनेते युरी आलेमाव, आमदार एल्टन डिकॉस्ता, आमदार कार्लुस फेरेरा यांची उपस्थिती होती.

चोडणकर म्हणाले, जो पक्ष भाजपला पराभूत करण्यास इच्छुक आहे, त्याच्याबरोबर आघाडी होईल. विरोधी पक्षनेते युरी आलेमाव हे २२ सप्टेंबरला ‘गोवा राखण यात्रे’ची घोषणा करतील. याविषयीचे आखणी त्यांनी केलेली असून, त्यातून अनेक लोक पक्षाशी जोडले जातील.