Free Water Supply: Entrepreneurs criticize Goa government Dainik Gomantak
गोवा

उद्योजकांकडून गोवा सरकारवर टीका

घरांना मोफत; तर उद्योगासाठी महागडे पाणी

दैनिक गोमन्तक

पणजी: सरकारने (Goa Government) एका बाजूने घरगुती वापरासाठी 16 हजार लिटर पाणी फुकट देण्याची (Free Water Supply) घोषणा केली खरी, परंतु दुसऱ्या बाजूने औद्योगिक वापरासाठीच्या (Industrial Use) कच्च्‍या पाण्याचे (Water) दर भरमसाट वाढवले आहेत.

औद्योगिक वापरासाठी 39 रुपये प्रति हजार लिटर असा सरकारचा पाणी पुरवठ्याचा दर होता. तो आता 78 रुपये प्रति हजार लिटर असा करण्यात आला आहे. त्यामुळे उद्योजकांमध्ये नाराजी निर्माण झाली आहे. गोवा औद्योगिक विकास महामंडळाच्या क्षेत्र व्यवस्थापकांनी परिपत्रक काढून कंपन्यांना दरवाढीची माहिती दिली आहे. 1एप्रिल 2021 या पूर्वलक्षी प्रभावाने ही दरवाढ करण्यात आली आहे. यामुळे एप्रिल ते ऑगस्टपर्यंतचा दराचा फरक औद्योगिक आस्थापनांना आता फेडावा लागणार आहे.

मुख्यमंत्री डॉ. प्रमोद सावंत यांनी मोफत पाणी मिळवण्यासाठी ‘पाणी वाचवा’ असे आवाहन मोफत पाणी पुरवठ्याची घोषणा करताना केले होते. आता या सरकारी पावलामुळे मते मिळवण्यासाठी मोफत पाणी असे सरकारी धोरण दिसते अशा प्रतिक्रिया उद्योगजगतातून ऐकायला मिळत आहेत.

राज्य सकल उत्पादनात महत्त्वाचा वाटा उचलणारे उद्योग क्षेत्र गेले 18 महिने अस्तित्व कायम ठेवण्यासाठी झुंजत आहे. कोविड कठीण काळात सरकारने मदतीचा हात देण्यासाठी उपाययोजना आखावी यासाठी उद्योजकांनी सरकारला वारंवार विनंती केली. मात्र सरकारला उद्योग क्षेत्रापेक्षा मतांचीच जास्त चिंता आहे, अशी टीका आता उद्योग क्षेत्रातून होऊ लागली आहे.

"सरकारने औद्योगिक पाणीपट्टीत वाढ केल्याने उद्योगांना टॅंकरमधील पाणी विकत घ्यावे लागणार आहे. यामुळे मोठ्या प्रमाणावर भूजल उपसा होईल आणि त्याचा परिणाम पर्यावरणावर होणार आहे."

- दामोदर कोचकर, गोवा उद्योजक संघटनेचे अध्यक्ष

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

Uttar Pradesh Assembly Election 2027: उत्तर प्रदेश निवडणुकीत भाजप विरुद्ध भाजप, राममंदिर, राष्ट्रवाद आणि हिंदुत्वाचे मुद्दे झाले जुने; योगी आदित्यनाथ यांची अग्निपरिक्षा

SCROLL FOR NEXT