पणजी : विदेशासह भारतात एकूण ३८ शाखा असलेल्या एएसजी आय हॉस्पिटल्स (ASG Hospital) या नामांकित ग्रुपतर्फे गोव्यात ३९ वी शाखा दोनापावला (Donapoula) येथे सुरू करण्यात आली आहे. मान्यवरांच्या हस्ते आज अद्ययावत नेत्र चिकित्सालय इस्पितळाचे (सुपर स्पेशालिटी आय इस्पितळाचे) उद्घाटन करण्यात झाले. उद्घाटन कार्यक्रमादरम्यान आयोजित पत्रकार परिषदेत एएसजी आय इस्पितळाचे संचालक डॉ. शॉन डिसिल्वा, डॉ. पियुष जैन, डॉ. अदित्य काजवे व डॉ. चंद्रप्रकाश ओली यांनी इस्पितळ व सुविधांची सविस्तर माहिती दिली.
गोव्यातील या कंपनीचे पहिलेच इस्पितळ असून येथे नेत्र विकाराबाबतच्या सर्व शस्त्रक्रिया अत्याधुनिक उपकरणांच्या माध्यमातून केल्या जाणार असल्याचे डॉ. डिसिल्वा यांनी सांगितले. ३ पूर्णवेळ तज्ज्ञ डॉक्टर या इस्पितळात उपलब्ध असतील. तसेच देशातील तज्ज्ञ डॉक्टरांची सेवाही या इस्पितळात उपलब्ध केली जाणार असल्याची माहिती डॉ. डिसिल्वा यांनी दिली.
नेत्र चिकित्सेतील सर्व उपचार उपलब्ध असणारे अत्याधुनिक सुपर स्पेशालिटी इस्पितळ अशी एएसजी इस्पितळाची ख्याती असल्याचे कोर्निया शस्त्रक्रिया तज्ज्ञ डॉ. ओली यांनी सांगितले. त्यांनी ५५ लाख रुग्णांवर उपचार केले आहे. नाविन्यपूर्ण तंत्रज्ञानाचा वापर करून नेत्र उपचारातील सर्वोत्तम सेवा देण्याचे आमचे ध्येय असल्याचे डॉ. काजवे यांनी सांगितले. युगांडा व काठमांडू येथेही एएसजी आय हॉस्पिटल्सच्या शाखा असल्याचे त्यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
