Free Legal Services : पणजी, धारबांदोडा येथील मल्टीफॅकल्टी महाविद्यालयातर्फे मोफत कायदा सेवा सहाय्य यावर व्याख्यानाचे आयोजन करण्यात आले होते. सर्वसामान्यांसाठी, विशेषतः सामाजिक-आर्थिक समस्याग्रस्तांच्या मदतीसाठी अशी सेवा मोफत उपलब्ध आहे, याविषयी जागृती करण्याच्या हेतूने या व्याख्यानाचे आयोजन करण्यात आले होते.

सांगे न्यायालयाच्या तालुका कायदा सहाय्य विभागाचे ॲड. ईश्‍वर कुट्टीकर यांनी महत्वपूर्ण माहिती दिली. घरगुती वाद सोडविण्याच्या विविध पायऱ्या, तक्रारी सादर करण्याच्या प्रक्रिया, घरगुती हिंसाचार कायदा यावर त्यांनी सविस्तर विवेचन केले.

अशा प्रकरणांत बीडीओ हे संरक्षण अधिकारी असल्याची माहिती त्यांनी दिली. पालक व ज्येष्ठ नागरिकांची देखभाल कायदा यावर त्यांनी भाष्य केले. मुलांकडे मालमत्ता हस्तांतरीत झाल्यानंतरही या कायद्याने पालकांचे हित जपले जाते, असे त्यांनी सांगितले.

प्राचार्य शेख महमद उसमानी यांनी स्वागत केले. कल्पिता नाईक व संध्या जोसेफ यांनी समन्वयकाचे काम पाहिले. राजेंद्र गवंडर यांनी आभार मानले.