Goa Accident Case: राज्यात मागील 24 तासांत चार ठिकाणी झालेल्या वेगवेगळ्या अपघातांत दोघांना आपले प्राण गमवावे लागले असून चार जण जखमी झाले आहेत.
आज, रविवारी सायंकाळी 5 च्या सुमारास अन्साभाट-म्हापसा येथे पिकअप गाडीला धडकल्याने दुचाकीस्वार रॉडजर रंजनजी (23, रा. धुळेर-म्हापसा) याचा मृत्यू झाला.
या अपघातप्रकरणी म्हापसा पोलिसांनी पिकअप चालक बाळा गावडे (20, रा. हाऊसिंग बोर्ड-म्हापसा) याच्यावर गुन्हा दाखल केला आहे.
तर शनिवारी रात्री सांकवाळ येथे दोन दुचाकींच्या धडकेत मोपा येथील मजूर मंगल (मुळ रा. झारखंड) याचा मृत्यू झाला.
या घटनेत दोघे जखमी झाले. तिसरी घटना मोले येथील राष्ट्रीय महामार्गावरील धोकादायक वळणावर घडली.
येथे दुचाकी व टेम्पोच्या अपघातात दुचाकीस्वार युवक गंभीर जखमी झाला असून मोठ्या प्रमाणात दुचाकीचे नुकसान झाले आहे. शॅनॉन अल्वारीस (21) या जखमी दुचाकीस्वाराला गोमेकॉत दाखल करण्यात आले आहे.
वृद्ध जखमी
गणेशपुरी-मार्ना-शिवोली रस्त्यावर खोदलेल्या खड्ड्यामुळे झालेल्या अपघातात ज्येष्ठ नागरिक गंभीर जखमी झाले. रस्ता खोदकामाचा इशारा देणारा कोणताही फलक ठेकेदाराने लावलेला नाही, त्यामुळे हा अपघात घडल्याचा आरोप यावेळी उपस्थितांनी केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.