Siolim Constituency Dainik Gomantak
गोवा

शिवोलीतील माजी आमदारांनी जनतेची सेवा करण्यापेक्षा स्वत:चेच भले केले

दैनिक गोमन्तक

Siolim Constituency: गेल्या विधानसभेची निवडणूक आपण आपच्याच तिकीटावर शिवोलीतून लढवली होती. त्यामुळे गेल्या पाच वर्षापासून येथील लोकांशी माझे जवळचे संबंध आहेत. दुर्दैवाने मार्च 2017 ते जानेवारी 2022 याकाळात शिवोलीच्या (Siolim Constituency) आमदारपदी विराजमान झालेल्या विनोद पालयेकर (Vinod Palyekar) यांनी स्वत:चा वैयक्तिक चांगल्यापैकी फायदा करून घेतला; परंतु विकासाच्या प्रतिक्षेत असलेल्या मतदारांच्या डोळ्यांना मात्र पुरती पाने पुसल्याचा आरोप आम आदमी पक्षाचे शिवोलीचे उमेदवार ॲड. विष्णु नाईक यांनी केला आहे. आपल्या जवळच्या समर्थकांसमवेत बादे-शिवोलीत प्रचार कार्याची सुरुवात केल्यानंतर ॲड. नाईक प्रसार माध्यमांशी बोलत होते. दरम्यान, हणजुण कायसुव पंचायतीच्या क्षेत्रात मोडणाऱ्या बादे-आसगाव तसेच शापोरात गेल्या कित्येक वर्षापासून पाण्याची उग्र समस्या स्थानिक महिलांना सतावत आहे. त्याशिवाय याभागातील खंडीत वीज पुरवठा आता नेहमीचीच गोष्ट होऊन बसलेली आहे. (Former MLAs in Siolim did better for themselves than serving the people)

गेली कित्येक वर्षे सत्तास्थानी असलेल्या भाजपाचे (BJP) दयानंद मांद्रेकर आणि त्यानंतर सत्तेत आलेल्या गोवा फॉरवर्डचे विनोद पालयेकर यांना येथील समस्यांचे निवारण करावेसे कधीच वाटले नाही. जनतेच्या समस्यांवरच या दोन्ही माजी आमदारांनी स्वत:ची पोळी भाजून घेतल्याचा आरोप नाईक यांनी यावेळी केला.

त्यामुळेच शिवोलीचा यंदाच्या निवडणुकीत (Goa Election 2022) स्वाभिमानी शिवोलकरांनी आम आदमीला (AAP) एकदाच संधी देण्याची मागणी ॲड. नाईक यांनी दिली. याभागातील दुसरी महत्त्वाची आणि तितकीच समस्या म्हणजे येथील बेरोजगारी. गेली पाच वर्षे सत्तास्थानी असलेल्या भाजपने बेकारांना नोकऱ्या देण्याचे आमिष दाखवित सतत झुलवत ठेवले, ही लांन्छनास्पद गोष्ट असल्याचे विष्णू नाईक यांनी सांगितले. मतदारांनी यंदा मतदान करतांना शिवोलीचा विकास नजरेसमोर ठेऊनच मतदान करण्याचे जोरदार आवाहन शेवटी ॲड. विष्णु नाईक यांनी केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Saint Francis Xavier: सुभाष वेलिंगकरांच्या अटकेसाठी उद्रेक; पर्यटक, विद्यार्थ्यांचे हाल, गोव्यात दिवसभर कुठे काय घडलं?

Goa HSE Board Exam: गोवा बारावी बोर्ड परीक्षेच्या वेळापत्रकात बदल, JEE परीक्षेमुळे मोठा निर्णय

Goa Today's News Live: गोव्यातील सर्व धर्मियांमध्ये संत फ्रान्सिस झेवियर यांचा DNA; मंत्री सिक्वेरा

Fact Check: गोव्यात बोट पलटी होऊन 23 लोकांचा मृत्यू, 64 बेपत्ता; व्हायरल व्हिडिओ मागील सत्य काय?

Tourist in Goa: गोव्यात धार्मिक तणाव, पर्यटकांची पायपीट तर शाळकरी मुलांचे हाल!!

SCROLL FOR NEXT