Pernem Container Accident: राज्यातील अपघातांची मालिका काही केल्या थांबण्याचे नाव घेत नाही. मालपे येथे आज सकाळी एका मासळी कंटेनरचा भीषण अपघात झाला. सदर कंटेनर केरळमधील रजिस्टर आहे. आज पहाटे 4 च्या सुमारास हा अपघात घडला.

हा कंटेनर राष्ट्रीय महामार्ग 66 महाराष्ट्र रस्त्यावरून जात असताना रस्त्यात अचानक गुरे आल्याने चालकाचे वाहनावरील नियंत्रण सुटले. गुरांना वाचवण्याच्या नादात कंटेनर रस्त्याच्या एका बाजूला कलंडला.

यामध्ये कंटेनरचे मोठ्या प्रमाणात नुकसान झाले. तसेच यामध्ये असलेल्या मासळीचेही नुकसान झाले आहे. सुदैवाने चालक सुरक्षित असल्याचे सांगण्यात येत आहे. दरम्यान, पेडणे पोलीस घटनास्थळी दाखल झाले असून अधिक तपास करत आहेत.