खाऱ्या पाण्यामुळे शेतीचे नुकसान झालेल्या एकूण 23 शेतकऱ्यांना मदत करण्यासाठी वीजमंत्री सुदीन ढवळीकर यांनी हात पुढे केला आहे. यासाठी अशा शेतकऱ्यांना पुढील 3 वर्षे आर्थिक मदत करणार असल्याचे आश्वासन त्यांनी दिले आहे.

खाऱ्या पाण्यामुळे शेतीचे मोठ्या प्रमाणात नुकसान होते. अशामध्ये पुढील किमान 2 ते 3 वर्षे शेतकऱ्यांना कोणतेही पीक घेता येत नाही. याबाबत शेतकऱ्यांनी आपली व्यथा मांडली असता सुदीन ढवळीकर यांनी अशा एकूण 23 शेतकऱ्यांना मदत केली आहे.

माधवराव ढवळीकर ट्रस्टतर्फे पुढील 3 वर्षे या शेतकऱ्यांना आर्थिक मदत पुरवण्यात येणार असल्याचे त्यांनी सांगितले.

तसेच, ढवळीकर यांनी गावणे-बांदोडा इथल्या बांधाचे काम वर्षभरात पूर्ण करणार असल्याची माहिती दिली आहे.