मडगाव रेल्वे उड्डाण पुलाच्या बाजूला असलेल्या एका दुकानाजवळ पार्क केलेल्या स्कूटरमधून अचानक बीप,बीप,असा आवाज येऊ लागल्याने ‘त्या’ स्कूटरमध्ये बॉम्ब तर ठेवला नाही ना, या भीतीने काही लोकांची गाळण उडाली. पण नंतर सेन्सरमध्ये बिघाड झाल्याने हा आवाज ऐकू येतो, हे कळून आल्यावर लोकांचा जीव भांड्यात पडला.
दरम्यान, ज्या दुकानासमोर ही स्कूटर ठेवण्यात आली होती, त्या दुकानदाराने आवाज ऐकल्यावर आपत्कालीन सेवा क्रमांकावर फोन केला. हा फोन पणजी येथील अग्निशमन दलाच्या कार्यालयात लागला. त्यांनी या प्रकाराची कल्पना मडगाव कार्यालयाला दिल्यामुळे मडगाव येथील अधिकारी गिल सोझा घटनास्थळी दाखल झाले.
नंतर त्यांनी मडगाव पोलिसांशी संपर्क साधला. शेवटीं हा आवाज त्या इलेक्ट्रिक स्कूटरचा सेन्सर बिघडल्याने येत असल्याचे लक्षात आल्यावर सर्वांचा जीव भांड्यात पडला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.