Goa Accident Case: गोव्यातील अपघातांच्या घटना काही केल्या कमी होण्याचे नाव घेत नाहीत. नुकत्याच मिळालेल्या माहितीनुसार रामनगर येथे एक अपघात घडला आहे. हा अपघात दोन वाहनांमध्ये झाला असून यामध्ये दोन्ही वाहनांचे नुकसान झाले आहे.

कर्नाटकातून गोव्यात येणारी पिकअप (GA 08 V 7274) आणि गोव्यातून कर्नाटकात जाणारी कार (GA 03 Y 6863) या दोन वाहनांमध्ये रामनगर येथील हॉली क्रॉसजवळ येथे धडक झाली.

ही धडक इतकी जोरदार होती ही यामध्ये गोव्यातील 5 जण गंभीर जखमी झाल्याचे सांगण्यात येत आहे. शिवाय दोन्ही वाहनांचे मोठ्या प्रमाणात नुकसान झाले आहे.

यासंदर्भातील सविस्तर माहिती अद्याप कळू शकलेली नाही.

दरम्यान, असाच अपघात कालही घडला होता. उत्तर गोव्यातील हणजुणे येथे एका अपघातात एका कारने दोन दुचाकींनी उडवले आहे. सुदैवाने या अपघातात कुणीही जखमी झालेले नाही. तथापि, कारसह दोन्ही दुचाकींचे मात्र मोठे नुकसान झाले आहे.