मडगाव : मडगाव पालिकेतून बदली झालेले मुख्याधिकारी आग्नेल फर्नांडिस यांना आज पालिका कर्मचाऱ्यांतर्फे निरोप देण्यात आला. नवीन मुख्याधिकारी रोहित कदम यांनी आज पदभार सांभाळला.
मावळते मुख्याधिकारी फर्नांडिस यांना निरोप देण्यासाठी एक कार्यक्रम आयोजित करण्यात आला होता. यावेळी नगराध्यक्ष लिंडन परेरा व उपनगराध्यक्ष दीपाली सावळ हे उपस्थित होते.
यावेळी बोलताना नगराध्यक्ष परेरा यांनी फर्नांडिस यांनी मुख्याधिकारी म्हणून काम करताना कुणावरही अन्याय होणार नाही हे कटाक्षाने पाहिले. त्यांचे सर्वांशी सौजन्यशील वागणे होते असे ते म्हणाले. फर्नांडिस म्हणाले, मडगाव पालिकेचा मुख्याधिकारी म्हणून काम करणे हे आपल्यासाठी एक आव्हान होते मात्र सर्वांच्या सहकार्याने आपण ते पेलू शकलो.
यावेळी नवीन मुख्याधिकारी रोहित कदम यांचेही भाषण झाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.