कोची-केरळमधील प्रसिद्ध काेंकणी कवी के. अनंत भट (८५) यांचे आज शुक्रवार १२ जुलै रोजी सकाळी निधन झाले. प्रकृती अस्‍वस्‍थामुळे काही दिवसांपूर्वी त्‍यांना कोची येथील इस्‍पितळात दाखल करण्‍यात आले होते.
तेथे उपचार सुरु असताना आज सकाळी त्‍यांचे निधन झाले अशी माहिती त्‍यांचे निकटवर्तीय सहकारी रमेश पै यांनी दिली. उद्या शनिवार १३ जुलै रोजी त्यांच्या पार्थिवावर अंत्‍यसंस्‍कार केले जाणार आहेत. त्यांच्यामागे पत्नी, पुत्र आणि विवाहीत कन्‍या असा परिवार आहे.
अनंंत भट हे एक प्रतिभाशाली कवी होते. कित्‍येक स्‍वतंत्र काव्‍यनिर्मिती बरोबरच त्यांनी कित्‍येक पुस्‍तकांचे अनुवाद केले. ‘श्री रामचरित मानस’ या मूळ हिंदी पुस्‍तकाच्‍या कोंकणी अनुवादाला त्‍यांना २००६ साली केंद्रीय साहित्‍य अकादमीचा अनुवाद पुरस्‍कार प्राप्‍त झाला होता.
त्‍यांची तुळशीदास, सूरभजनमाला, संगीतरुपकां, कोंकणी गीतमाला अशी कित्‍येक पुस्‍तके प्रसिद्ध झाली आहेत. १९८० साली केरळमधून प्रकाशित झालेले तपस्‍विनी या कोकणी चित्रपटाचे ते संवाद लेखक होते. त्‍यांचे अनंतू हे पद्यरुपी अात्‍मकथन २०१२ मध्‍ये प्रसिद्ध झाले होते.
मुंबई स्थित गोव्याचे कवी, साहित्यिक वि ज बोरकर आज सकाळी निवर्तले. ते 89 वर्षांचे होते. त्यांच्यामागे सुपुत्र, पत्नी व नातवंडे असा परीवार आहे.
प्रास हा त्यांचा ललीत निबंध संग्रह मौज प्रकाशनाने प्रकाशित केला होता. दर वर्षी मौज, हंस दिवाळी अंकात बोरकर यंदा काय लिहितील यांच्याविषयी वाचकांना कायम उत्कंठा असायची. त्यांनी कविता, ललीत निबंध लिहिले.
प्रास हा त्यांचा ललीत निबंध संग्रह मौज प्रकाशनाने प्रसिध्द केला आहे. वंश ही कादंबरी. माती, आदेवश, नागडा या त्यांच्या नवलिका. वि ज बोरकर यांनी तरल संवेदनेच्या कविताही लिहिल्या. कोंकणी साहित्यिक, कोशकार पर्वरीचे सुरेश बोरकर यांचे ते बंधू होय.
संवेदनशील प्रतिभेचे पण प्रसिध्दीपराड्मुख म्हणून बोरकर परिचित होते. व्यासंगी व चित्रकलेची सूक्ष्ण जाण बोरकरांनी होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.