Excise Officers Seize Goa Made Liquor At Anmod Checkpost
कुळे: गेल्या काही दिवसांत गोवा पोलिसांनी गोवा बनावटीची दारु मोठ्याप्रमाणात धाडी घालून जप्त केली आहे. राज्यातील वाढत्या बेकायदेशीर गोष्टींना आळा घालण्यासाठी गोवा पोलिस सतर्क आहे. खासकरुन गेल्या काही दिवसांत गोवा पोलिसांच्या कारवाया वाढल्या आहेत. यातच आता, अनमोड येथे गोवा बनावटीच्या 48 दारुच्या बॉटल्स जप्त करण्यात आल्या.
अनमोड अबकारी अधिकाऱ्यांनी शनिवारी (8 मार्च) पहाटे वाहनांची तपासणी केली. तपासणीदरम्यानच अधिकाऱ्यांनी गोवा बनावटीच्या 48 दारुच्या बॉटल्स जप्त केल्या. मोहम्मद अली करजगीबिन (हावेरी- कर्नाटक) याला ताब्यात घेऊन टेम्पो जप्त करण्यात आला. टेम्पोमध्ये गोवा बनावटीच्या काजू फेणी भरलेल्या बॉटल्स दोन पोत्यामध्ये सापडल्या. अनमोड अबकारी अधिकाऱ्यांनी मिनी अशोक लेलँड टेम्पो क्रमांक केए-68-जी-5849 क्रमांकाचे वाहन तसेच गोवा (Goa) बनावटीचा मद्य साठा जप्त केला.
काही दिवसांपूर्वी, मडगावातून कर्नाटकात (Karnataka) मद्याची वाहतूक करणारा ट्रक गुन्हे शाखेच्या अधिकाऱ्यांनी रोखून कारवाई केली होती. ट्रकमधून तब्बल 36 लाखांचे अवैध मद्य जप्त करण्यात आले होते. याप्रकरणी दोघांना ताब्यातही घेण्यात आले होते. मडगावातून कर्नाटकात अवैध पद्धतीने मद्याची वाहतूक केली जात होती. गुन्हे शाखेच्या अधिकाऱ्यांनी संशयित ट्रकची तपासणी केली असता अवैध मद्यसाठा आढळून आला. ट्रकमधून 72 हजार मद्याच्या बॉटल्स जप्त करण्यात आल्या. बाजारभावानुसार याची किंमत 36 लाख रुपये असल्याचे अधिकाऱ्यांकडून सांगण्यात आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.