N. B. Rao Passed Away: ज्येष्ठ स्वातंत्र्य सैनिक आणि गोव्याच्या पहिल्या विधानसभेतील स्विकृत आमदार तथा समाजसेवक नारायण बी. राव उर्फ एन. बी. राव यांचे 15 फेब्रुवारी रोजी दुपारी निवासस्थानी वृद्धापकाळाने निधन झाले. ते 89 वर्षांचे होते.

त्यांच्या पार्थिवावर अंत्यसंस्कार 16 रोजी दुपारी 12 वाजता येथील वैकुंठधाम स्मशानभूमीत करण्यात येतील. त्यांच्या पश्चात पुत्र, दोन स्नुषा, दोन विवाहित कन्या, जावई, नातवंडे असा परिवार आहे.

एन. बी. राव हे नेहमी खादीचे सफेद कपडे वापरायचे. अडल्या नडलेल्यांची सरकारी कार्यालयातील कामे ते करुन द्यायचे. माजी केंद्रीय मंत्री स्व. जगजीवन राम यांचे ते निकटवर्तीय होते. त्यांच्या मृत्यूमुळे हळहळ व्यक्त होत आहे. त्यांचे पार्थिव उद्या गुरुवारी सकाळी 9 वाजता दर्शनासाठी ठेवण्यात येणार आहे.