साळ : सात पंच सदस्य असलेल्या पीर्ण ग्रामपंचायत मध्ये महिला पंच सुलन गोविंद परब यांची सरपंच (Sarpanch) पदी बिनविरोध निवड करण्यात आली. अलिखित करारामुळे सरपंच रुचा नाईक यांनी आपल्या सरपंच पदाचा राजीनामा दिल्यानंतर सरपंच पद रिक्त झाले होते. नियमित कालावधीत सरपंच पदाची निवड पार पडली.

सरपंच पदाच्या निवडीत सुलन परब यांचा एकमेव अर्ज होता पंच मीता नाईक ह्या सूचक म्हणून तर पंच अर्जुन कासकर यांनी अनुमोदन दिले. तर या निवड प्रक्रियेत शिरीषकुमार तारी हे निरीक्षक म्हणून उपस्थित होते तसेच सहाय्यक सचिव आपा विश्राम शेट तानावडे हयानी निवड प्रक्रियेत भाग घेतला..यावेळी एकमेव पंच अनुपस्थितीत राहिला तर पंच संदेश देसाई, पंच अर्जुन कासकर, पंच रूचा नाईक, पंच नार्लिसो लोबो, पंच मीता नाईक आदी यावेळी उपस्थित होते. या पंचायतीवर आमदार (MLA) निळकंठ हळर्णकर यांचे वर्चस्व होते नि राहिले.

निवड झाल्यानंतर थीवी मतदार संघाचे आमदार निळकंठ हळर्णकर उपस्थित राहून नव निर्वाचित सरपंच सुलन गोविंद नाईक यांचा पुष्पगुच्छ देऊन अभिनंदन केले तर उपस्थित पाठीराख्या ग्रामस्थांनी मिठाई वाटून आनंद व्यक्त केला.