मुरगाव पालिका इमारतीच्या छप्पराला गळती लागून शेकडो कोविड अर्ज पाण्यात

वास्को : महामारीवेळी उपेक्षित कामगारांनी कोविड 19 (Covid19) साहाय्य योजने अंतर्गत देण्यात येणारे पाच हजार रुपये मिळावेत यासाठी केलेल्या अर्जांबद्दल मुरगाव (Margao) पालिकेचा हलगर्जीपणा उघडकीस आला.

पालिका इमारतीच्या छप्पराला गळती लागून शेकडो अर्ज भिजल्याने खराब झाले आहेत. त्या अर्जाचा काहीच उपयोग होणार नसल्याने अर्जासाठी ना कामगारांनी केलेला चारशे ते पाचशे रुपयांचा खर्च पाण्यात गेला आहे. याप्रकरणी तोडगा काढून संबंधितांना योजनेते पैसे देण्याची व्यवस्था करण्याची गरज कामगारांनी व्यक्त केली आहे.

उपेक्षित कामगारांना पाच हजार रुपयांचे साहाय्य देण्यासाठी अर्ज मागविण्यात आले होते. त्यामुळे शेकड़ो लोकांनी सदर अर्ज पालिकेकडे सादर केले होते. सदर अर्जासोबत त्यांना शंभर रुपयांच्या स्टॅम्प पेपरवर प्रतिज्ञापत्र, आधार कार्ड व इतर कागदपत्रे सादर करावी लागली होती. या अर्जांवर पावसाचे पाणी पडल्याने त्यांना सदर मदत मिळणे कठीण जाणार आहे.