Panaji Bus Accident: राज्यात रस्ते अपघातांचे प्रमाण दिवसेंदिवस वाढत चालले असतानाच रविवारी अपघातांच्या दोन घटना घडल्या.

मात्र, या दोन्ही अपघातांमध्ये जीवितहानी टळली असली तरी वाहनांचे मोठे नुकसान झाले आहे.

पणजीहून वास्‍कोला जाणारी इलेक्‍ट्रिक कदंब बस दाबोळी-चिखली येथील वळणावर आली असता, चुकीच्‍या दिशेने आलेल्‍या एका पर्यटक टॅक्‍सीमुळे अपघात घडला

यात बस रस्‍ता सोडून डाव्‍या बाजूला संरक्षक कठड्यावर आदळली. मात्र,  चालकाच्‍या प्रसंगावधानामुळे मोठा बाका प्रसंग टळला.

अधिक माहिती अशी की, पणजीहून वास्‍कोला जाणारी इलेक्‍ट्रिक कदंब बस सकाळी ११ च्‍या सुमारास चिखली येथे एका वळणावर आली. तेव्‍हा रस्‍त्‍याशेजारी पार्क केलेल्‍या पर्यटक टॅक्‍सीने अचानक चुकीच्‍या बाजूने रस्‍त्‍यावर येण्‍याचा प्रयत्‍न केला.

ताबा सुटल्याने कार अपघात

फोंडा : फर्मागुढी येथे आज सकाळी एक कार रस्‍ता सोडून दहा फूट खोल भागात कोसळली. या अपघातात चालक जखमी झाला.

तातडीने त्‍याला उपचारांसाठी रुग्‍णालयात दाखल करण्‍यात आले. कार माशेलच्या दिशेने जात होती. एका वळणावर चालकाचे कारवरील नियंत्रण सुटले.

त्यामुळे हा अपघात झाला. हल्‍ली झालेल्‍या बहुतांश अपघातांत चालकाला डुलकी येणे, तंद्री लागणे असे प्रकार घडले आहेत. फर्मागुढी अपघातात कारमध्‍ये चालक एकटाच होता.