पणजी: ड्रग्जप्रकरणी सशर्त जामिनावरील संशयित सेल्विन गौंडर याला आरोप निश्‍चितीच्या सुनावणीला उपस्थित न राहिल्याने तीनवेळा अटक वॉरंट बजावण्यात आले होते, तरीही तो हजर राहत नसल्याने त्याला पोलिसांनी अटक केली. त्याने पुन्हा जामिनासाठी केलेला अर्ज मेरशी अतिरिक्त सत्र न्यायालयाने फेटाळला.

यापूर्वी दिलेल्या जामिनाच्या शर्थींचे उल्लंघन केल्याने तसेच त्याची वर्तणूक योग्य नसल्याने मीन फेटाळण्यात येत असल्याचे निरीक्षण केले आहे. साळगाव पोलिसांनी संशयित सेल्विन गौंडर याला २०२० साली ड्रग्जप्रकरणी अटक केली होती. तपास करून त्याच्याविरुद्ध आरोपपत्र दाखल केल्यानंतर न्यायालयाने त्याला सशर्त जामीन दिला होता.

त्याची आई हमीदार राहिली होती. त्याच्या आरोपपत्रावरील सुनावणीवेळी तो न्यायालयात उपस्थित राहत नव्हता. त्यामुळे अजामीनपात्र वॉरंट न्यायालयाने जारी केल्यावर त्याला २५ ऑक्टोबर २०२३ रोजी अटक करून न्यायालयात उभे करण्यात आले होते. त्यानंतरही तो दोनवेळा सुनावणीस आलाच नाही.