फातोर्डा: मडगाव परिसरात मागील दोन दिवस सलग पाऊस पडल्याने आके पासून पॉवर हाऊस पर्यंत मलनिस्सारण पाइपलाइनचे चेंबर खुले झाल्याने लाखो लिटरचे पाणी बाहेर येऊन रत्यावरून वाहत आहे.

(Drainage chamber open Millions of liters of water on the street every day)

हे पाणी वाहू लागल्यास चार दिवस पूर्ण झाले असून या गुढगाभर वाहत्या पाण्यामुळे रस्त्यावरून ये जा करणाऱ्या वाहनचालकांना सावध होऊन यातून वाट काढावी लागत आहे. या रस्त्यावर असलेल्या पाण्यामुळे या ठिकाणी काही खड्डे पडले असून पाण्यामुळे या खड्ड्यांचा दुचाकीस्वारांना अंदाज घेणे मुश्किल होत आहे आणि काही वाहने या खड्ड्यात पडून मध्येच बंद पडण्याचे प्रकार घडत आहेत.

चार दिवसापासून हे मलनिस्सारण वाहिनीचे चेंबर खुले होऊन वाहत आहे अशाने या परिसराची कोणत्याही खात्याने दाखल घेतली नसल्याने नागरिकांकडून नाराजी व्यक्त करण्यात येत आहे.