Bicholim Dainik Gomantak
गोवा

Bicholim: डिचोली शहरातील रस्ते खड्डेमय, चालकांसह पादचाऱ्यांनाही नाहक मनस्ताप; वाहनांचेही होतंय नुकसान

Bicholim Road Issue: शहरातील रस्त्यांची सध्या बिकट अवस्था झाली असून, भर पावसात या खड्डेमय रस्त्यांमधून वाट काढताना वाहनचालकांसह पादचाऱ्यांनाही कसरत करावी लागत आहे.

Sameer Amunekar

डिचोली: शहरातील रस्त्यांची सध्या बिकट अवस्था झाली असून, भर पावसात या खड्डेमय रस्त्यांमधून वाट काढताना वाहनचालकांसह पादचाऱ्यांनाही कसरत करावी लागत आहे.

कदंब बस स्थानकाकडून बाजारात जाणाऱ्या रस्त्यासह बोर्डे येथे मुख्य रस्ता, भायली पेठ, सोनार पेठ येथील रस्त्यांची वाताहत झाली आहे. या रस्त्यांवर सुरुवातीला लहान खड्डे पडले होते. मात्र, आता पावसाच्या पाण्यामुळे आणि रहदारीमुळे हे रस्ते रुंदावले आहेत.

पावसावेळी हे खड्डे पाण्याने भरत असून, त्यातून वाट काढताना वाहनचालकांना कसरत करावी लागते. बऱ्याचदा या खड्डयांचा अंदाज येत नसल्याने वाहनचालकांचा गोंधळ उडतो. खड्डयांमुळे वाहनांचेही मोठे नुकसान होत असून दुचाकी घसरून छोटे-मोठे अपघातही होत आहेत. वाहने जाताना खड्ड्यांमधील पाणी पादचाऱ्यांच्या अंगावर उडण्याचे प्रकारही वाढले असून, त्यांना नाहक मनस्ताप सहन करावा लागत आहे.

जलवाहिनींसाठी खोदलेले चर घातक

नवीन जलवाहिनी टाकण्यासाठी शहरातील बहुतेक रस्ते खोदले होते. हे काम पूर्ण झाल्यानंतर रस्ते पूर्ववत करण्याचे काम सुरू करतानाच अवकाळी पाऊस आणि नंतर हंगामी पावसाला सुरवात झाली.

त्यामुळे चर बुजवून रस्ते पूर्ववत करण्याचे काम करण्यास अडथळा निर्माण झाला. त्यामुळे रस्त्यांची वाईट स्थिती झाली आहे, असे सार्वजनिक बांधकाम खात्यातील अधिकारीही मान्य करत आहेत. पाऊस कमी होताच रस्त्यांची डागडुजी करण्यात येईल, असेही त्यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

प्रेमात धोका दिलेल्या व्यक्तीला पुन्हा जवळ करावं का? प्रेमानंद महाराजांनी दिलं रंजक उत्तर; म्हणले...

Viral Video: तुमच्या पाया पडतो! भाजप नेत्याचे स्मशानभूमीत अश्लील उद्योग, विवाहित महिलेसोबत रेड हँड सापडला

UNESCO List: युनेस्कोच्या यादीत समाविष्ट झालेले शिवरायांचे 12 किल्ले कोणते? कोठे आहेत, इतिहास काय, कसे जाल? जाणून घ्या सर्व माहिती

Water Rafting Goa: पावसाळ्यात गोव्यात जाताय? सत्तरीत व्हाईट-वॉटर राफ्टिंगला झालीये सुरूवात; अधिक माहितीसाठी येथे क्लीक करा

Marathi Schools Goa: 'पालकांमुळे बंद पडल्या गोव्यातील मराठी शाळा'; शिक्षणमंत्री प्रमोद सावंत

SCROLL FOR NEXT