Dhargalim Gramsabha Dainik Gomantak
गोवा

Dhargalim: कचराफेकूंना चपराक! धारगळ पंचायत ठोठावणार 5 हजारांचा दंड; ग्रामसभेकडे पंच-ग्रामस्थांनी फिरवली पाठ

Dhargalim Gramsabha: सचिव प्रितम सावंत यांनी २०२५-२०२६चे २ कोटी १९ लाख ८२ हजार रुपयांचे अंदाजपत्रक ग्रामसभेसमोर ठेवले. त्यावर चर्चा करून मान्यता देण्यात आली.

Sameer Panditrao

पेडणे: धारगळ पंचायतीच्‍या ग्रामसभेत आज कचऱ्याचा विषय प्रचंड गाजला. पंचायत क्षेत्रात जागोजागी कचऱ्याचे ढीग दिसून येतात. त्‍यामुळे सर्वत्र दुर्गधी पसरली आहे. याकडे ग्रामस्थ पुंडलिक धारगळकर यांनी लक्ष वेधले आणि हा विषय सर्व ग्रामस्‍थांनी लावून धरला.

सकाळी १० वाजता होणारी सभा कोरमअभावी १०.३० वाजता सरपंच दाजी शिरोडकर यांच्या अध्यक्षतेखाली सुरू झाली. सुरवातीलाच कचऱ्याचा विषय आला. पुंडलिक धारगळकर यांनी सांगितले की, बहुतांश भाडेकरू आपल्या घरातील कचरा प्लस्टिक पिशवीत घालून तो रस्त्याच्या बाजूला फेकून देतात. त्यामुळे सर्वत्र दुर्गधी पसरते.

त्यावर सरपंच दाजी शिरोडकर यांनी, यावर काय करता येईल असे विचारले असता ग्रामस्थ प्रकाश धुमाळ यांनी सूचित केले की, अशा लाोकांना पाच हजारांचा दंड ठोठवावा. शेवटी सर्वानुमते हा ठराव संमत करण्यात आला.

सचिव प्रितम सावंत यांनी २०२५-२०२६चे २ कोटी १९ लाख ८२ हजार रुपयांचे अंदाजपत्रक ग्रामसभेसमोर ठेवले. त्यावर चर्चा करून मान्यता देण्यात आली. धारगळ महामार्गावर अपघातांचे प्रमाण वाढले आहे. त्यामुळे ताबडतोब रुग्‍णवाहिका उपलब्‍ध करावी, अशी मागणी करण्‍यात आली. दरम्‍यान, ग्रामसभेत मान्सूनपूर्व कामे, वाढलेली झाडे, गटार, भूमिगत वीजवाहिन्‍या

आदी अनेक विषयांवर चर्चा करण्‍यात आली.

यावेळी झालेल्‍या चर्चेत ग्रामस्थ संदेश कारापूरकर, देविदास नाईक, रमेश कानोळकर, गोविंद सावंत यांनी सहभाग घेतला. पंचसदस्य सतीश धुमाळ, दिलीप वीर, भूषण नाईक, अनिकेत साळगावकर, उपसरपंच दीप्तीक्षा नारोजी यांनी ग्रामस्‍थांना आपल्‍या परीने उत्तरे देण्‍याचा प्रयत्‍न केला.

पंचांची ‘दांडी’; ग्रामस्‍थांचीही पाठ

ग्रामसभेला बरेचशे पंचसदस्य गैरहजर असतात. त्यामुळे त्या प्रभागातील ग्रामस्थांना समस्यांवर प्रश्‍‍न विचारण्यास मिळत नाही. त्याचप्रमाणे ग्रामस्थांना ग्रामसभा कधी असते तेसुद्धा कळत नाही. त्यासाठी गाडीवर स्पीकर लावून जनजागृती करावी अशी मागणी करण्यात आली. दरम्‍यान, आजच्‍या ग्रामसभेतला ग्रामस्थांचाही अल्प प्रतिसाद मिळाला. जेमतेम आठ ते दहा ग्रामस्थ उपस्‍थित होते. त्‍यामुळे ग्रामसभा लवकरच आटोपती घ्यावी लागली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Operation Sindoor: 'पोस्ट सोडून मुजफ्फराबादला पळा...', ऑपरेशन सिंदूरने थरारले पाकिस्तानी सैनिक; भारतीय लष्करप्रमुखांचा मोठा खुलासा

Viral Video: बर्फाचा डोंगर घेऊन निघाला...! स्कूटी चालकाची धोकादायक स्टंटबाजी, व्हिडिओ पाहून नेटिझन्सही हैराण; तुम्ही पाहिलाय का?

Anant Chaturdashi 2025 Wishes In Marathi: बाप्पा चालले आपल्या गावाला! अनंत चर्तुदशीनिमित्त नातेवाईकांना शेअर करा 'हे' खास WhatsApp Status

बिट्स पिलानीत 20 वर्षीय विद्यार्थ्याने आयुष्य का संपवले? समोर आले कारण Watch Video

Fake IAS Officer: मुख्यमंत्री-राज्यपालांसोबत फोटो, यूपी-बिहार ते गोवापर्यंत पसरले नेटवर्क, कोट्यवधींचा घातला गंडा; बनावट आयएएस अधिकाऱ्याचा पर्दाफाश

SCROLL FOR NEXT