Vasco News : वास्को, धाकतळे मांगूरहिल येथील युथ ॲण्ड कल्चरल क्लबचा ३७ वा वर्धापनदिन विविध सांस्कृतिक कार्यक्रमांनिशी उत्साहात साजरा करण्यात आला. वर्धापनदिनाचे औचित्य साधून क्लबच्या लोगोचे आमदार कृष्णा साळकर यांच्या हस्ते अनावरण करण्यात आले.

धाकतळे, मांगूरहील येथील युथ अॅण्ड कल्चरल क्लबने आपला वर्धापनदिन लहान मुलांसाठी करमणूक तसेच स्पर्धात्मक कार्यक्रमांचे आयोजन करून साजरा केला. यात लहान मुलांनी मोठ्या संख्येने भाग घेतला होता. संध्याकाळी बक्षीस वितरण कार्यक्रमाला प्रमुख पाहुणे म्हणून वास्कोचे आमदार कृष्णा साळकर उपस्थित होते.

तसेच विशेष अतिथी म्हणून प्रमोद आचार्य, तसेच नगरसेवक अमेय चोपडेकर, दीपक नाईक उपस्थित होते.

क्लबचे अध्यक्ष तुळशीदास पालयेकर, श्रीकृष्ण देवस्थानचे अध्यक्ष मनोज नाईक, प्रमोद आचार्य, अमेय चोपडेकर, गौरीश नाईक, उपस्थित मान्यवरांच्या उपस्थितीत लोगोचे अनावरण करण्यात आले. सूत्रसंचालन राजेश नाईक व संजय रायकर यांनी केले. तुळशीदास पालयेकर यांनी आभार मानले.