मागील महिन्याभरात गोव्यात आगीचे सत्र सुरु होते. म्हादई जंगलातील आग तर बरेच दिवस धुमसत होती. अग्निशामक दलाचे प्रयत्न काहीसे तोकडे पडू लागल्यानंतर हेलिकॉप्टर द्वारा आगीवर नियंत्रण मिळवण्यासाठी प्रयत्न केले गेले.

दरम्यान गोव्यात वेगवेगळ्या ठिकाणी लागलेल्या आगींमुळे वृक्षसंपदेसह बऱ्याच मोठ्या प्रमाणावर आर्थिक नुकसान झाले.

मागील दीड - दोन आठवड्यापासून आगी लागण्याचे प्रमाण काहीसे कमी झाले होते. मात्र आज पुन्हा देवलामाळ- कुडचडे येथील जंगलाला आग लागल्याची प्राथमिक माहिती प्राप्त झाली आहे.

अग्निशामक दल घटनास्थळी पोहोचले असून त्यांचे आगीवर नियंत्रण मिळवण्याचे प्रयत्न सुरु आहेत. हि आग कशी लागली, किती वाजता लागली या बाबत अद्याप माहिती उपलब्ध झाली नाही.