पेडणे: पालये येथे दोन दुचाकीत झालेल्या अपघातात दिल्लीतील ३० वर्षीय पर्यटकाचा मृत्यू झाला असून, ३९ वर्षीय रशियन महिला जखमी झाली आहे. रविवारी उत्तररात्री एकच्या सुमारास हा अपघात झाला. दिल्लीत युवक आणि रशियन महिला एकाच दुचाकीवरुन प्रवास करत असताना भरधाव येणाऱ्या दुसऱ्या दुचाकीने त्यांना धडक दिली.
निखिल सागर (वय ३०) असे या अपघातात मृत्यू झालेल्या युवकाचे नाव असून, ज्युलिया (वय ३९) असे जखमी झालेल्या रशियन पर्यटक महिलेचे नाव आहे. तिच्यावर बांबोळीतील गोवा वैद्यकीय महाविद्यालयाच्या रुग्णालयात उपचार सुरु आहेत.
मिळालेल्या माहितीनुसार, मांद्रे पोलिस स्थानकाचे पोलिस हेड कॉन्स्टेबल गोविंद फाती नाईक यांनी याप्रकरणी तक्रार दाखल केली आहे. नाईक यांनी दिलेल्या तक्रारीनुसार, रविवारी उत्तररात्री एकच्या सुमारास पालये येथे दोन दुचाकींमध्ये भीषण अपघात झाला. सागर आणि ज्युलिया एका दुचाकीवरुन जात असताना हरमलकडून केरीच्या दिशेने जाणाऱ्या एका भरधाव दुचाकीने त्यांना जोराची धडक दिली.
या धडकेत दुचाकीवरील सागरला गंभीर जखम झाली. यात सागरचा मृत्यू झाला असून, जखमी ज्युलियाला उपचारासाठी गोमेकॉत दाखल करण्यात आले आहे. दुसऱ्या दुचाकीवर असणाऱ्या व्यक्तीला देखील गंभीर जखम झाल्याचे पोलिसांनी दिलेल्या तक्रारीत म्हटले आहे. अपघाताचा अधिक तपास पोलिस उपनिरिक्षक प्रतिक गावडे अधिक तपास करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.