Haat Kataro Khambo at Old Goa: जुने गोवे येथील ‘हात कातरो’ खांबाचे जतन व्हावे, तसेच भावी पिढीला लोकांच्या बलिदाचा इतिहास कळावा, या उद्देशाने गोवा शासनाने ‘हात कातरो’ खांबाला ‘स्मृतीस्तंभ’ म्हणून घोषित करावे, अशी मागणी हिंदु जनजागृती समितीचे दक्षिण गोवा समन्वयक सत्यविजय नाईक यांनी केली.

क्रांतिदिनाचे औचित्य साधून हिंदु जनजागृती समितीच्या वतीने ‘हात कातरो’ खांबाला पुष्पहार अर्पण केला. यावेळी सत्यविजय नाईक बोलत होते.

"हात कातरो’ खांबाची माहिती इतिहासाच्या पाठ्यपुस्तकात समाविष्ट केली पाहिजे, तसेच खांबाच्या ठिकाणी खांबाच्या ऐतिहासिक महत्त्वाविषयी माहिती असलेला फलक लावला पाहिजे" असे सत्यविजय नाईक म्हणाले.

यावेळी ‘केरलीय क्षेत्र परिपालन समिती’ बदलापूर (महाराष्ट्र) आश्रमाचे स्वामीजी पी.पी.एम्. नायर्, ‘शिव छत्रपती संघटने’चे सज्जन जुवेकर, आनंद मांद्रेकर, गोमंतक मंदिर महासंघाचे जयेश थळी, गोपाळकृष्ण मंदिराचे अध्यक्ष सत्यवान म्हामल, सचिव अशोक नाईक, दिवाडी येथील विद्याभारती संचालित सेंट एलॉयसियस् विद्यालयाचे शिक्षक आणि विद्यार्थी आदी मान्यवर उपस्थित होते.

कार्यक्रमाचे सूत्रसंचालन आणि प्रास्ताविक गोमंतक मंदिर महासंघाचे जयेश थळी यांनी केले.