केपे: मुसळधार पावसामुळे काल टाकी शेल्डे येथील दरड कोसळून त्याठिकाणी राहणाऱ्या एका घरात माती घुसल्याने बाकी घरानाही धोका निर्माण झाला आहे.आज सकाळी कुडचडेचे आमदार नितेश काब्राल यांनी या घरांची पाहणी केली.

(Danger to local residents due to rock fall in quepem)

टाकी शेल्डे येथील ज्या ठिकाणी ही दरड कोसळली आहे ती अस्थिर जमीन असून अश्या धोकादायक ठिकाणी लोकांनी कोणतीच उपाययोजना न करता घरे बांधली गेल्याने या ठिकाणी असलेल्या किमान पाच घरांना धोका निर्माण झाला आहे असे काब्राल यांनी सांगितले. घरे बांधताना जागा व्यवस्थित न पाहता त्या जागेवर घरे बांधली असून घराच्या वरील भाग कोसळून खाली येऊ लागला आहे काल पेक्षा आज ही माती जास्त झाली असून दरडीचा भाग हळूहळू खचत असल्याने लोकांना सुरक्षित स्थळी हलविण्यासाठी उप जिल्हाधिकाऱ्यांना निर्देश देणार असल्याचे त्यांनी सांगितले.

याठिकाणी राहणारे लोक गरीब असून त्यांच्या सुरक्षेसाठी जिल्हाधिकारी कार्यकायला पत्र लिहून या संपूर्ण जागेची तपासणी करण्याची मागणी आपण करणार असून त्यानंतर काय ती उपाय योजना हाती घेण्यात येणार असल्याचे त्यांनी सांगितले.

लोक नको त्याठिकाणी घरे अंधून दोष सरकारला देतात हे चुकीचे असून जागेची पडताळणी करूनच घरे बांधावी असे काब्राल यांनी सांगितले.

गेल्या काही वर्ष्यापूर्वी याच ठिकाणी दरड कोसळण्याची भीती लक्षात घेऊन संरक्षक भिंत उभारण्यासाठी सर्व सोपस्कार पूर्ण केले होते पण सदर भिंत बरीच उंच उभारावी लागणार आल्याचे लक्षात येताच कोणताच कंत्राटदार कामासाठी पुढे आला नाही असे काब्राल यांनी सांगितले. याठिकाणी राहणाऱ्या काही लोकांनी जमिनीवर अतिक्रमण करून पावसाचे पाणी वाहून जाण्याच्या वाटा बंद केल्याने असे प्रकार घडतात असे सांगितले. आता फक्त दोन घरांना धोका बसला असून जर परत दरड कोसळून या घरावर आल्यास त्या घरखाली असलेल्या बाकीच्या घरांना धोका असल्याने त्वरित या जागेची पाहणी करण्याचे निर्देश आपण संबंधित अधिकाऱ्यांना देणार असल्याचे काब्राल यांनी सांगितले.