पणजी: गोवा विद्यापीठातर्फे (Goa University) घेण्यात आलेल्या महिलांच्या आंतरमहाविद्यालयीन ज्युदो स्पर्धेत (Judo Cometition) आसगाव-बार्देश येथील ज्ञानप्रसारक मंडळाच्या (डीएम्स) महाविद्यालयाने विजेतेपद पटकावले. पर्वरी येथील विद्या प्रबोधिनी महाविद्यालयास उपविजेतेपद, तर मिरामारच्या व्ही. एम. साळगावकर कायदा महाविद्यालयास तिसरा क्रमांक मिळाला.

स्पर्धा ताळगाव पठार येथील गोवा विद्यापीठाच्या ज्युबिली हॉलमध्ये (Jubilee Hall) झाली. विद्यापीठाचे संगणक केंद्र प्रमुख संजय बांदोडकर, क्रीडा व युवा व्यवहार खात्याच्या ज्युदो प्रशिक्षक जया पाटील, विद्यापीठाचे शारीरिक शिक्षण आणि क्रीडा सहाय्यक संचालक भालचंद्र जदार यांच्या उपस्थितीत बक्षीस वितरण झाले.

स्पर्धेतील सुवर्णपदक विजेते खेळाडू

44 किलो वजनगट: नम्रता कांबळे (डीएम्स-आसगाव)

48 किलो वजनगट: तनिष्का शिवोलकर (नारायण झांट्ये महाविद्यालय-डिचोली)

52 किलो वजनगट: ज्योती यादव (डीएम्स-आसगाव)

57 किलो वजनगट: नेहा नाईक (विद्या प्रबोधिनी-पर्वरी)

63 किलो वजनगटः किनल मयेकर (डीएम्स-आसगाव)

70 किलो वजनगट: रुचा शेट (विद्या प्रबोधिनी-पर्वरी)

78 किलो वजनगट: नेहा गावस (साखळी)

78 वरील वजनगट: इराम खत्री (व्हीएम साळगावकर कायदा-मिरामार).