दाबोळी येथील मुख्य सिग्नलसमोर एका सिमेंट कॉंक्रिटवाहू ट्रकने सायकलस्वाराला धडक दिल्याने, त्याचा जागीच मृत्यू झाला.

बायणा येथे सिमेंट कॉंक्रिट घालून पुन्हा कुठ्ठाळी - साकवाळकडे जात असताना या ट्रकने सायकलस्वाराला जोरदार धडक दिली. त्यावेळी त्याचा जागीच मृत्यू झाला.

शनिवारी (ता.8) सायंकाळी 5.45 वाजता दाबोळी राष्ट्रीय महामार्गावरील मुख्य सिग्नलजवळ सिमेंट कॉंक्रिटवाहू ट्रकची (जीए07- एफ-7155) जोरदार धडक बसल्याने सायकलस्वार खर्क प्रसाद भरदु जैशी (वय 44वर्षे, मूळ रा. महाराष्ट्र) याचा अपघातात जागीच मृत्यू झाला.

हा ट्रक दाबोळी विमानतळमार्गे साकवाळकडे जात होता, तर सायकलस्वार बोगमाळो येथून मुख्य रस्त्यावरून वेर्णाला जाण्याच्या तयारीत होता. याचवेळी सिग्नलजवळ ट्रकने ठोकरल्याने तो ट्रकखाली सापडला आणि त्याचा जागीच मृत्यू झाला.

पणजीत हिट ॲण्ड रन

हिरा पेट्रोल पंपजवळ काल पहाटे कारच्या धडकेत मनोज श्रीधरन हा पादचारी जागीच ठार झाला. या परिसरातील सीसीटीव्ही बंद असल्याने पोलिस तपासात अडचणी येत आहेत.

पोलिसांनी इतर बाजूंनी तपास सुरू केला असून या ‘हिट ॲण्ड रन’ केसचा लवकरच छडा लावला जाईल, असे पणजी पोलिसांकडून सांगण्यात आले.