पणजी: अल्पवयीन मुलीचे लैंगिक शोषण करणाऱ्या कुडचडेतील सोहम नाईकचे हे कारनामे मागील तीन वर्षांपासून सुरू होते. त्याने तीसहून अधिक मुलीना धमकावून, व्हिडिओ काढून त्यांचे शोषण केल्याचे विदारक सत्य समोर आले आहे. यामुळे देशभर गोव्याची बदनामी होत असून, प्रशासन कोलमडले आहे. 'बेटी बचाओ'ची घोषणा देणारेच बलात्काऱ्यांना संरक्षण देत असल्याचा आरोप आज प्रदेश महिला काँग्रेसच्या वतीने करण्यात आला.

काँग्रेस भवनपासून नारी न्याय मोचां सुरू होण्यापूर्वी प्रदेश महिला काँग्रेसच्या अध्यक्ष डॉ. प्रतीक्षा खलप यांनी हा आरोप केला. याप्रसंगी सई वळवईकर, मॉली द गामा, कॅरल माथायश व इतर पदाधिकारी उपस्थित होत्या.

त्याशिवाय प्रदेश काँग्रेसचे अध्यक्ष अमित पाटकर व इतर पदाधिकारीही मोर्चात सहभागी झाले होते. काँग्रेस भवनपासून पोलिस मुख्यालयाकडून आझाद मैदानावर हा मोर्चा पोहोचला.

त्याठिकाणी सरकारविरोधी घोषणा देण्यात आल्या आणि कुडचडेतील प्रकरणाचा निषेध करण्यात आला. एवढ्या मोठ्या प्रमाणात अल्पवयीन मुलींवर लैंगिक अत्याचार होत असताना सरकार मूग गिळून गप्प बसले आहे. अशा प्रकारच्या घटना आमच्या गोव्यात घडत आहेत, याची आम्हाला लाज वाटते, असे मॉली द गामा म्हणाल्या.

कुडचडेतील लैंगिक शोषणाचा प्रकार अतिशय निंदनीय असून आपला पक्ष, संघटना बाजूस ठेवून प्रत्येक महिलेने या घटनेविरोधात एकत्रित येऊन न्याय मागणे गरजेचे असल्याचे त्यांनी नमूद केले.

सुशांत नाईकने राजीनामा द्यावा

खलप म्हणाल्या, आज देशभरात अल्पवयीन मुलींच्या लैंगिक शोषणाची घटना गाजतेय, राज्यात दिवसेंदिवस गुन्हेगारीत वाढ होत आहे. आज गोव्यात महिला असुरक्षित असून सरकार गुन्हेगारांना पाठीशी घालत असल्याची जहरी टीका खलप यांनी के ली. दर महिन्याला दोन खून आणि किमान ९ बलात्काराच्या घटना नोंदविल्या जात आहेत. भाजपचे नेते असलेल्या सुशांत नाईकने खरे तर आपल्या पदाचा राजीनामा देणे आवश्यक आहे, असे त्यांनी नमूद केले.

राज्यात एवढी मोठी निंदनीय घटना घडलेली असताना भाजपचा महिला मोर्चा कु ठे आहे? मोठ्या प्रमाणात मुलींचे शोषण करणाऱ्याला कोणतीच भीती वाटली नाही, याचा अर्थ त्याच्या मागे कोणीतरी राजकीय गॉडफादर आहे. एकं दरीत ही घटना पाहता ‘रेवण्णा-२’ गोव्यात तयार झाला असल्याचे दिसते. - अमित पाटकर, प्रदेशाध्यक्ष, कॉंग्रेस.