Curchorem Police : कुडचडे पोलिस स्थानकाचे पोलिस निरीक्षक वैभव नाईक यांनी गुरुवारी रात्रौ 9 वा. धाडसी मोहिम राबऊन संशयित युनूस खलील माताजी या 22 वर्षीय युवकाला गांजा विक्री प्रकरणी रांगेहाथ ताब्यात घेलते. त्याच्या कडुन 825 ग्रॅम सुमारे 83 हजार रुपये किंमतीचा गांजा जप्त करण्यात आला आहे.

कुडचडे पोलिसांच्या माहितीनुसार, युनूस हा गांजा घेऊन कुडचडे बाजारातील गिरीश रेस्टॉरंटच्या पाठीमागे असलेल्या त्याच्या दुकानावर येणार असल्याची माहिती पोलिसांना मिळाली होती.

त्यानुसार, कुडचडे पोलिसांनी साध्या वेशात पोलिसांना तैनात करून त्याच्यावर पाळत ठेवली होती. भर बाजारात असलेल्या दुकानातून युनूस हा गांजा विक्री करत असल्याची माहीती कुडचडे पोलिसांना मिळाली होती.

सदर माल तो बाजारात उतरवण्या पूर्वीच दुकानावर धाड टाकून कुडचडे पोलिसांनी युनूस याला रंगेहाथ ताब्यात घेतले. अंमली पदार्थ विरोधी कायदा कलम 20 (ब) (2) (अ) अनव्ये संशयितावर गुन्हा दाखल केला आहे. त्याच्या कडून 832 ग्रॅम एवढा गांजा जप्त करण्यात आला.

पोलीस उपअधिक्षक निलेश राणे यांच्या मार्गदर्शनाखाली ही कारवाई करण्यात आली आहे. आज केपे न्यायालयात संशयिताला हजर केले असता तीन दिवसांची पोलीस कोठडी सुनावण्यात आली आहे.