कुडचडे: कुडचडे येथील भारतीय जनता पक्षाच्या मंडळ अध्यक्ष पदाच्या कार्यक्रमात बोलताना आमदार निलेश काब्राल यांनी एक वक्तव्य केले, ज्यामुळे ते सध्या बरेच चर्चेत आहेत. त्यांच्या मते राज्याचे मुख्यमंत्री डॉ. प्रमोद सावंत आणि भारतीय जनता पक्षाने कुडचडे येथील लोकांना दिलेली आश्वासनं अद्याप पूर्ण केलेली नाहीत. सध्या कुडचडे येथे चार मोठे प्रकल्प प्रलंबित आहेत, आणि याबद्दल आमदार आणि माजी मंत्री निलेश काब्राल चिंता व्यक्त केली.

भारतीय जनता पक्षाचा कार्यकर्त्यांनी घेतलेल्या अथक प्रयत्नानंतरही ही कामं अजूनही राखडलेलीच आहेत. मंत्री काब्राल यांच्या म्हणण्याप्रमाणे दक्षिण गोव्यात मडगाव शहरानंतर दुसऱ्या क्रमांकारावर असलेल्या कुडचडे येथील बस स्टेन्डचं काम गेल्या आठ वर्षांपासून राखडलं आहेत किंवा आयटीआयचे प्रकल्प बंदच आहेत.

एका वर्षापुर्वी मुख्यमंत्र्यांनी कुडचडेत हॉस्पिटलच्या उद्घाटनप्रसंगी 'भिवपाची गरज ना, रडपाची गरज ना' म्हणत अश्वस्थ करणारे भाषण केले होते, मात्र अजूनपर्यंत तिथे विकासाच्या दृष्टीने काहीही पाऊले उचलली गेलेली नाहीत. विकासाचे अनेक प्रकल्प कुडचडेत रखडले आहेत.

गोव्याच्या विविध मंत्र्यांना कुडचडेचे आमदार निलेश काब्राल यांनी वेळीच कुडचडेच्या रखडलेल्या प्रकल्पांकडे लक्ष देण्याची विनंती केली आहे. कुडचडेच्या जनतेला सर्व सुख सुविधा मिळाव्यात म्हणून ते नेहमीच प्रयत्न करत राहतील, ज्यात त्यांना इतरांची मदत अपेक्षित असल्याचं ते म्हणालेत.