कुंकळ्ळी: वेरोडा येथे शनिवारी संध्याकाळी एक हृदयद्रावक घटना घडली आहे. कोकण रेल्वेच्या रूळावर बसलेल्या पत्नीला वाचवण्यासाठी गेलेल्या पतीचा भीषण अपघातात मृत्यू झाला.
मिळालेल्या माहितीनुसार, वेरोडा येथील एक महिला शनिवारी मद्यप्राशन करून थेट कोकण रेल्वेच्या रूळावर जाऊन रेल्वे ट्रकवर बसली होती. दरम्यान, ही घटना एका स्थानिक नागरिकाच्या नजरेस पडली. त्याने तातडीने त्या महिलेच्या पतीला याबाबत माहिती दिली.
पत्नीच्या जीविताचा प्रश्न निर्माण झाल्याने पतीने घटनास्थळी धाव घेतली. रूळावर बसलेल्या पत्नीला वाचवण्यासाठी तो रेल्वे ट्रॅकवर पोहोचताच अचानक वेगाने धावणारी रेल्वे त्या ठिकाणी आली. यात पत्नीला वाचवण्याचा त्याचा प्रयत्न अयशस्वी ठरला आणि रेल्वेच्या जोरदार धडकेत त्याचा जागीच मृत्यू झाला.
अचानक घडलेल्या या प्रकारामुळे खळबळ उडाली आहे. अपघाताची माहिती मिळताच कुंकळ्ळी पोलिसांनी घटनास्थळी धाव घेऊन पंचनामा केला. पुढील तपास सुरू असल्याचे पोलिसांनी सांगितलं आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.