मडगाव: गेल्या महिन्यात कुंकळ्ळीतील ‘एनआयटी कॅम्पस’ मध्ये झालेल्या चोरी प्रकरणाचे गूढ उकलले असून, या चोरी प्रकरणी पोलिसांनी चोरट्याला आंध्रप्रदेशमधून जेरबंद केले आहे. प्रथमील सेल्वन (२९) असे या संशयिताचे नाव असून, तो आंतरराज्य गुन्हेगारी गँगचा सदस्य आहे.

सेल्वन हा मूळ थिरुनवरूर जिल्हातील (तामिळनाडू) आहे. आयआयटी, एनआयटी तसेच वैद्यकीय महाविद्यालयात शिरून चोरी करण्यात त्याचा हातखंडा आहे. लॅपटॉप व मोबाईलची तो चोरी करीत होता.

अनेक चोरी प्रकरणात तो विविध राज्यातील पोलिसांना ‘वॉन्टेड’ आहे. १२ जानेवारी रोजी हा संशयित एक स्विफ्टने कुंकळ्ळी येथील एनआयटीमध्ये आला होता. सिक्युरिटी गार्डला त्याने आपण प्राध्यापक असल्याची बतावणी केली होती.

बोडगेश्वर मंदिर हल्ला

म्हापसा येथील श्री देव बोडगेश्वर मंदिर परिसरात झालेल्या कथित हल्ला प्रकरणातील आरोपी आयुष नाईक याला न्यायालयाने मोठा दिलासा दिला आहे. मेरशी येथील अतिरिक्त सत्र न्यायाधीश आरतीकुमारी नाईक यांनी आरोपीचा आरोप मुक्तीचा अर्ज अंशतः मंजूर करत, त्याच्यावरील गंभीर स्वरूपाचे कलम हटवण्याचे आदेश दिले आहेत.