मडगाव: लीजवर दिलेल्या ट्रकाचा वापर बेकायदा दारू तस्करीसाठी करण्याची खळबळजनक घटना कुंकळ्ळी येथे उघडकीस आली आहे. या ट्रकात लाखो रुपयांची दारू सापडली. ही दारू शेजारच्या राज्यांत पाठविण्यासाठी ट्रकमध्ये भरण्‍यात आली होती, असा संशय आहे.
दरम्‍यान, पोलिसांनी तपासकामाबाबत गोपनीयता ठेवली असून अधिक माहिती देणे टाळले आहे. पोलिस सूत्रांकडून मिळालेल्या माहितीनुसार, कर्नाटकातील तुमकूर येथील महालिंगा बी. सी. यांच्या मालकीचा हा कर्नाटक राज्य नोंदणीकृत ट्रक आहे.
दोन महिन्यांपूर्वी त्यांनी तो रमेशकुमार प्रजापत याला लीजवर दिला होता. त्याचे पैसेही येणे बाकी होते. गेले दोन महिने प्रजापत हा महालिंगा याचा कॉलही घेत नव्हता. शेवटी त्यांनी जीपीएस ट्रॅकरचा आधार घेतला असता त्यांना आपला ट्रक कुंकळ्ळी येथील औद्योगिक वसाहतीत असल्याचे आढळून आले.
मागाहून त्यांनी या प्रकरणी गोवा पोलिसांना ही माहिती दिली. नंतर पोलिसांनी घटनास्थळी जाऊन तपासणी केली असता ट्रकमध्ये दारू आढळली. पोलिसांनी ट्रक जप्त केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.