गोव्याच्या सांस्कृतिक इतिहासाचा शालेय अभ्यासक्रमात समावेश केला जाणार आहे. हा अभ्यासक्रम तयार करण्याची प्रक्रिया सुरू झाली आहे. अशी माहिती गोव्याचे मुख्यमंत्री प्रमोद सावंत यांनी दिली.

मुख्यमंत्री प्रमोद सावंत म्हणाले, गोव्यातील मंदीर सुशोभिकरणाचे काम जवळपास पूर्ण झाले असून, मंदीरे डौलात उभी आहेत. युवा पिढीला गोव्याचा खरा इतिहास, पुरातत्व ठिकाणं, मंदीरं, गड-किल्ले यांची माहिती शालेय अभ्यासक्रमात समाविष्ट होणे गरजेचे आहे. अभ्यासक्रमाचा क्रम नवीन शिक्षण धोरणानुसार बदलण्यात येणार असल्याचे सावंत म्हणाले.

श्रीकृष्ण जन्माष्टमीनिमित्त नार्वे नदीच्या किनाऱ्यावर मुख्यमंत्री प्रमोद सावंत यांनी सहपत्नी पुजा केली. यावेळी मुख्यमंत्री प्रमोद सावंत बोलत होते.