Goa Fraud Case : मालकी हक्क असलेल्या मृत व्यक्तीचे बनावट मुखत्यारपत्र तयार करून फिर्यादी जमीन वारसदाराची हणजूणमधील जमीन परस्पर विकल्याप्रकरणी म्हापसा पोलिसांनी तिघांवर गुन्हा नोंद केला.

याप्रकरणी अँथनी रॉकी डिसोझा (६३, हडफडे), एस्टेला रॉड्रिग्ज (हणजूण) व तिसऱ्या अज्ञाताविरोधात हा गुन्हा दाखल केला. संशयितांनी हणजूणमधील १०.५५० चौरस मीटर जमीन विकली असून मेर्विन मिरांडा हे तक्रारदार आहेत. पोलिसांनी संशयितविरोधात भारतीय दंड संहितेच्या कलम ४१९, ४६४, ४६५, ४६७, ४२० व ३४ अंतर्गत गुन्हा नोंदविला.

मेर्विन मिरांडा यांनी तक्रारीत म्हटले आहे की, जोस मिरांडा यांचे दि. २५ एप्रिल १९७७ रोजी निधन झाले. मात्र, संशयितांनी मिरांडा यांच्या नावे दि. २२ जानेवारी २००७ रोजी, बनावट मुखत्यारपत्र बनवून वरील हणजूणमधील जमिनीची ‘पॉवर ऑफ अॅटर्नी’ अंमलात आणून ही जमीन परस्पर विकली.