पणजी: कॉर्पोरेशन ऑफ पणजी शहर (सीसीपी) ने राजधानी शहरातील धोकादायक इमारतींची यादी तयार केली आहे, मात्र त्यापुढे कोणतेही पाऊल उचलेले नाही. (Corporation of Panaji neglects unsafe buildings)

शहरातील धोकादायक इमारतींमुळे नागरिक, पादचाऱ्यांना आणि पणजी मार्केट परिसरातील सर्व लहान स्टॉल मालक आणि विक्रेते यांना धोका निर्माण झाला आहे. धोकादायक इमारतींपैकी दोन बाजार परिसरात आहेत. एक तीन मजली व्यावसायिक इमारत आहे ज्यामध्ये नॅशनल गेस्ट हाऊस आहे. या इमारतीच्या परिसरात अनेक लहान स्टॉल आहेत. मोडकळीस आलेल्या इमारतीमुळे स्टॉल मालक आणि त्यांच्या ग्राहकांना धोका निर्माण झाला आहे.

सीसीपीने या धोकादायक इमारती पाडाव्यात, अशी येथील नागरिकांची मागणी आहे. "इमारत पडल्यावरच प्रशासन जागे होणार आहे का? जिवीत हानी झाली तर त्याची जबाबदारी कोण घेणार? असे प्रश्न नागरिक विचारात आहेत.