पणजी: राज्यात आज कोरोनाचे नवे 130 रुग्ण सापडले असून संक्रमणाचा दर 14.30 टक्के इतका झाला आहे. तर सक्रिय रुग्णांची संख्या 923 झाली आहे. राज्यात आतापर्यंत 2 लाख 48 हजार 171 नागरिकांना कोरोनाची बाधा झाली असून यापैकी 2 लाख 43 हजार 413 रुग्ण बरे झाले.

(Corona infection rate in the state at 14.30 per cent, 130 new infected patients)

हे रुग्ण बरे होण्याचे प्रमाण 98.08 टक्के इतके आहे. गेल्या 24 तासांत कोरोनामुळे कुणाचाही मृत्यू झाला नसल्याने मृत्यूचा आकडा 3 हजार 835 आहे. सोमवारी दिवसभर 909 संशयित रुग्णांच्या चाचण्या घेण्यात आल्या. त्यापैकी 130 जणाला कोरोनाची लागण झाल्याचे स्पष्ट झाले. वाढत्या रुग्णसंख्येमुळे काळजी घेण्याचे आवाहन करण्यात येत आहे.