भारत (India) देश लोकशाही प्रधान असल्याने येथे सर्व धर्मीय एकत्रितपणे आपली संस्कृती जतन करीत आहे. गोवा प्रदेश काँग्रेस पक्ष येतील अल्पसंख्यांकांचे कार्य करण्यास महत्त्वाची भूमिका बजावण्यासाठी पुढाकार घेणार असल्याची माहिती विरोधी पक्षनेते दिगंबर कामत (Digambar Kamat) यांनी दिली.

वास्को येथील झुआरी कॉम्प्लेक्समध्ये गोवा प्रदेश काँग्रेस अल्पसंख्यांक विभागाचे अध्यक्ष नजीर खान यांच्या गोवा अल्पसंख्यांक काँग्रेस कार्यालयाचे उद्घाटनप्रसंगी वरील माहिती माजी मुख्यमंत्री दिगंबर कामत यांनी दिली. यावेळी त्यांच्यासमवेत गोवा प्रदेश काँग्रेस प्रदेशाध्यक्ष गिरीश चोडणकर (Girish Chodankar), उपाध्यक्ष संकल्प आमोणकर, महिला काँग्रेस अध्यक्ष बिना नाईक, युवक काँग्रेस अध्यक्ष वरद म्हार्दोळकर, गोवा काँग्रेस मुख्य प्रभारी दिनेश गुंडू राव, वास्को काँग्रेस गट अध्यक्ष ऊलारीको रॉड्रिगीस, माजी नगराध्यक्ष नंदादीप राऊत, शरद चोपडेकर, रूडाल्फ फर्नांडिस, मुनीर खान, माजी नगरसेवक सैफुल्ला खान व इतर काँग्रेस कार्यकर्ते मोठ्या संख्येने उपस्थित होते.

पुढे बोलताना कामत म्हणाले की नजीर खान यांनी आपली सेवा अल्पसंख्यांका बरोबर सर्वसामान्य जनतेला सुद्धा द्यावी. यामुळे काँग्रेसचे कार्य सर्वापर्यंत पोहोचणार अशी माहिती कामत यांनी दिली. काँग्रेस प्रदेशाध्यक्ष गिरीश चोडणकर यांनी सांगितले की संपूर्ण मुरगाव तालुक्यात काँग्रेस यशस्वी होऊन येथे काँग्रेसची सत्ता आणणार आहे. राज्यातील अल्पसंख्यांकांची समस्या नजीर खान यांने जाणून घेण्यासाठी सर्व तालूक्यात समित्या स्थापन करावे.

गोवा कॉंग्रेस प्रभारी दिनेश गुंडू राव यांनी गोव्यात अल्पसंख्यांकांची समस्या नजीर खान यांचे नेतृत्व योग्य रित्या पार पाडील. यात खान यांचे इतर अल्पसंख्यांकांना सुद्धा सामावून घेण्यासाठी पुढाकार घ्यावा. गोवा अल्पसंख्यांक काँग्रेस अध्यक्ष नजीर खान यांनी सांगितले की गोवा प्रदेश काँग्रेसने माझ्यावर ठेवलेला विश्वास मी पूर्णपणे पार पडणार आहे. काँग्रेस पक्षासाठी मी निस्वार्थीपणे सेवा बजावणार असून यात मला जेष्ठ कार्यकर्त्यांचा पाठिंबा लावणार असल्याची माहिती नजीर खान यांनी शेवटी दिली.