पणजी: गोव्यातील आगामी विधानसभा निवडणुकीसाठी संभाव्य युतीबाबत चर्चा करण्यासाठी काँग्रेस पक्ष आणि रिव्होल्युशनरी गोवन्स पार्टी (आरजी) यांच्या नेत्यांमध्ये शुक्रवारी सायंकाळी बैठक पार पडली.

विरोधी पक्षांची एकता बळकट करणे तसेच गोव्याची अस्मिता, हितसंबंध आणि भविष्य यांचे रक्षण करणे या मुद्यांवर चर्चा करण्यासाठी गोवा प्रदेश काँग्रेस समितीचे अध्यक्ष गिरीश चोडणकर आणि विरोधी पक्षनेते युरी आलेमाव यांनी ‘आरजी’चे आमदार वीरेश बोरकर व ‘आरजी’च्या युती समितीचे अध्यक्ष अमोल नावेलकर यांची भेट घेतली.

दरम्यान, या बैठकीपूर्वी शुक्रवारी सायंकाळी कॉंग्रेस भवनात गोवा प्रभारी माणिकराव ठाकरे, प्रदेशाध्यक्ष गिरीश चोडणकर यांनी राजकीय व्यवहार समितीची बैठक घेतली. या बैठकीत आगामी विधानसभा निवडणूक आणि युतीबाबतचे मुद्दे चर्चेला आले.

पुढील काही दिवस चर्चेचेच!

गोव्यातील जनता विरोधी पक्षांच्या एकतेची मागणी करत असल्याचे या बैठकीत सदस्यांनी सांगितले. भाजपच्या विभाजनकारी आणि विनाशकारी कारभारामुळे गोव्यातील जनतेला अनेक समस्यांचा सामना करावा लागला आहे, त्यामुळे ‘युती’ ही काळाची गरज आहे, असे मत पुढे आले. गोव्यातील जनतेचे व्यापक हित आणि त्यांच्या आकांक्षा यांना प्राधान्य देऊन, सहकार्याचे स्वरूप व कार्यपद्धती निश्चित करण्यासाठी पुढील काही दिवसांत चर्चा सुरू ठेवण्यावर दोन्ही पक्षांच्या युती समित्यांचे