पणजी: गोव्यात राजकीय भूकंप काँग्रेसचे 11 पैकी 8 आमदार भाजप दाखल होणार, पक्ष विलीनीकरणासाठी प्रयत्न सुरू, काँग्रेसचे विरोधी पक्षनेते मायकल लोबो यांनी आज आपल्या दोन तृतीयांश आठ आमदारांची विधिमंडळ पक्षाची बैठक घेतली. त्यानंतर त्यांनी मुख्यमंत्री डॉ. प्रमोद सावंत यांच्या समवेत चर्चा केली.

(Congress MLA ready But due to this reason, BJP entry will be delayed in goa)

आज सभापती रमेश तवडकर राज्यात नाहीत त्यांचा दिल्ली दौरा सुरू आहे. त्यामुळे सध्याच्या घडीला हे विलीनीकरण लांबले असुन, हे आमदार भाजपात जाणार हे स्पष्ट झाले आहे. कारण गेल्या अनेक दिवसांपासून हे फुटीचे चर्चा सुरू असून या गटाला दोन तृतीयांश म्हणजे आठ आमदार मिळत नव्हते आज अखेर संकल्प अमोणकर, आलेक्स सिक्वेरा आणि रुडाल्फ फर्नांडिस मिळाल्याने यांचा आठ चा गट तयार झाला असून संपूर्ण काँग्रेस पक्ष भाजपमध्ये विलीन करण्याचा हा प्रस्ताव आहे. यात हे

• मायकल लोबो,

• दिगंबर कामत,

• केदार नाईक,

• राजेश फळदेसाई ,

• डिलायला लोबो,

• आलेक्स सिक्वेरा,

• रुडाल्फ फर्नांडिस,

• संकल्प आमोणकर

हे काँग्रेस आमदार सहभागी आहेत.तर युरी आलेमाव, एल्टन डिकास्टा ,कारलुस फेरेरा हे आमदार या ग्रुपपासून अलिप्त आहेत.