Agonda Beach South Goa: दक्षिण गोव्यातील आगोंद समुद्र किना-यावर दोन गटामध्ये दोन दिवसांपुर्वी झालेल्या बाचाबाचीनंतर त्याचे रूपांत मोठ्या भांडणात झाले होते. त्यातून दोन्ही गटांत जोरदार मारहाण झाली होती.

दरम्यान, या मारहाणीच्या निषेधार्थ साळेरी ग्रामस्थांनी शनिवारी सकाळी आगोंद समुद्रकिनाऱ्यावर मूक मोर्चा काढला.

दोन दिवसांपुर्वी आगोंद बीचवर दोन गटांमध्ये हाणामारी झाली होती. या मारामारीत जखमी झालेल्या मंगलदास धूरी यांना 11 डिसेंबर रोजी दवाखान्यातून डिस्चार्ज देण्यात आल्याची माहिती, त्यांच्या कुटूंबियांनी दिली.

दरम्यान, या हाणामारीचा निषेध करण्याकरिता साळेरी येथील 300 हून अधिक ग्रामस्थांनी शनिवारी सकाळी आगोंद समुद्र किनाऱ्यावर मुक मोर्चा काढण्यात आला. त्यानंतर आगोंद पोलीस चौकीवर मोर्चा नेण्यात आला. यातील दोषींना अटक करण्याची मागणी करण्यात आली.

काणकोण पोलिस निरीक्षक चंद्रकांत गावस यांनी तक्रारदार वासुदेव धुरी यांच्यासह ग्रामस्थांच्या शिष्टमंडळासह चर्चा केली.

यावेळी ग्रामस्थांनी बीचवरील मारामारी प्रकरणी दोषींवर कारवाईची मागणी लाऊन धरली. 11 फेब्रुवारीपर्यंत दोषींवर कारवाई न केल्यास वेगळ्या पर्यांयांचा विचार करू असा इशारा या शिष्टमंडळाने यावेळी दिला आहे.

या शिष्टमंडळात सुनील पागी, लक्ष्मीकांत पागी, नंदकुमार पागी, महिला व अन्य युवा कार्यकर्त्यांचा भरणा होता.