सासष्टी: सोनसोडो कचरा प्रश्न दिवसेनदिवस गुंतागुंतीचा होत चालला आहे. हल्लीच तेथील भिंतीचा भाग कोसळल्या मुळे मडगाव नगरपालिका कामाला लागली आहे. मुख्याधिकारी रोहीत कदम यांनी पुढाकार घेऊन अनेक उपाययोजना करण्याचा घाट घातला आहे.
(concrete measures to solve Sonsodo waste problem in margao)

सर्वप्रथम सोनसोडो येथे पुर्वी एकत्रीत झालेला व दररोज तेथे टाकण्यात येणारा कचरा असे दोन भाग आहेत. दररोजच्या कचऱ्याची प्रक्रिया होत नाही तर पुर्वी एकत्रीत झालेला कचला हळू हळू कंत्राटतदार उचलुन नेत असल्याचे कदम यानी पत्रकारांना सांगितले. दररोज मडगावात 38 हजार किलोग्राम ओला व 20 हजार किलोग्राम सुका कचरा एकत्रीत होत असतो. आम्ही या संदर्भात साळगाव येथील गोवा कचरा व्यवस्थापन कोर्पोरेशनला लिहून मडगाव मधील दररोजच्या 40 हजार किग्रा कचऱ्याची प्रक्रिया करावी अशी विनंती केली आहे. आम्ही त्यांच्या उत्तराची वाट पहात असल्याचे कदम यानी सांगितले.

सर्वप्रथम आम्हाला 5 हजार चौरस मीटर एवढी मोठी कचरा शेड स्वच्छ करायची आहे. तेथे टाकलेला कचरा प्रथम उचलायला पाहिजे. नंतर या शेडचे दुरुस्ती काम हातात घेतले जाईल. त्या साठी सरकारकडे 3.82 कोटी रुपयांचा प्रस्ताव सरकारकडे पाठविला आहे. भिंत दुरुस्तीचा त्यात समावेश नसल्याने त्यासाठी वेगळा प्रस्ताव तयार करावा लागेल असेही मुख्याधिकारी कदम यानी सांगितले.

शेड मध्ये टाकलेल्या कचऱ्याच्या ढिगाऱ्याने शेड मोडण्याची शक्यता कदम यांनी व्यक्त केली. त्या ठिकाणी टाकलेल्या ओल्या कचऱ्याचे पाणी झिरपुन शेड कमजोर बनली आहे असेही कदम यानी स्पष्ट केले.
गोवा अभियांत्रिकी महाविद्यालयाच्या शिष्टमंडळाने हल्लीच सोनसोडो कचरा प्रकल्पाला भेट दिली व पाहणीनंतर त्यानी अनेक सुचना केल्या. त्यात शेडच्या दुरुस्तीचा समावेश असल्याचेही कदम यानी सांगितले.
कचरा व्यवस्थापन मंत्री आतान्सियो मोन्सेरात यांनी हल्लीच सोनसोडो भेटीच्या वेळी 25
टीडीपी बायो डायजेस्टरची व्यवस्था करण्यात येईल असे सांगितले होते. त्या अनुषंगाने गोवा कचरा व्यवस्थापन महामंडळाने या बायो डायजेस्टरची व्यवस्था होई पर्यंत दररोजच्या कचऱ्याची प्रक्रिया करण्याचा एक प्रस्ताव तयार केला आहे.