फोंडा : गावकरवाडा - उसगाव येथील गोसेवक राजीव झा यांना गेल्या मंगळवारी 26 रोजी सलीम शेख नामक व्यक्तीने फेसबूकवरून धमकी देण्याबरोबरच आक्षेपार्ह मजकूर पोस्ट केल्याबद्दल फोंडा पोलिसांत तक्रार दाखल करण्यात आली आहे.

राजीव झा यांनी ही तक्रार आज (गुरुवारी) फोंडा पोलिस स्थानकाचे निरीक्षक विजयकुमार चोडणकर यांना दिली असून संशयिताचा पत्ता समजू शकला नसल्याने पोलिसांनी याप्रकरणी त्वरित कारवाई करण्याची मागणी करण्यात आली आहे.

दरम्यान, देशभरात अराजकता माजवण्यासाठी कारणीभूत ठरत असलेल्या पॉप्युलर फ्रंट ऑफ इंडिया या संघटनेवर सरकारने त्वरित बंदी आणावी अशीही मागणी काही हिंदू संघटनांनी आज क्रांती मैदानावर येऊन केली. यासंबंधीचे एक निवेदनही पोलिसांना देण्यात आले आहे.