केपे: गोव्यातून एक धक्कादायक बातमी समोर आली आहे. केपे येथील फातर्पा येथे एका महिलेचा विनयभंग केल्याप्रकरणी कुंकळी पोलिसांनी संशयित व्यक्तीच्या नावे गुन्हा दाखल केला आहे.
संशयित आरोपी हा फिर्यादीचा भाऊ असून त्याने स्वतःच्या भावाच्या खोलीत घुसून त्याच्या होणाऱ्या बायकोला शिवीगाळ केली असल्याचा गुन्हा दाखल नोंदवण्यात आला.
संशयित आरोपीने त्याची पॅन्ट खाली खेचली आणि अश्लील हावभाव करत पीडित महिलेच्या विनयशीलतेला ठेस पोहोचवली.
एवढेच नाही तर आरोपीने त्याचा भाऊ आणि त्याच्या होणाऱ्या बायकोवर दगडफेक करत त्यांना इजा पोहोचवण्याची धमकी दिली. सदर घटनेची तक्रार पोलिसांकडे नोंदवली गेली असून पीएसआय किशोर वेळीप याचा पुढील तपास करीत आहेत.
काही दिवसांपूर्वी सायपे येथून शाळकरी मुलीच्या विनयभंगाची घटना समोर आली होती. सायपे, मार्रा-पिळर्ण येथे 10 वर्षी़य शाळकरी मुलीचा विनयभंग केल्याप्रकरणी जालम रामदयाळ महोर (वय 52 वर्षे, मूळ मध्य प्रदेश) या सुरक्षा रक्षकाला पर्वरी पोलिसांनी अटक केली होती.
पीडित मुलगी संशयित नोकरी करत असलेल्या व्हिलामधील केअरटेकरची मुलगी आहे. ही घटना बुधवारी रात्री नऊच्या सुमारास घडली होती.
संशयिताने मुलीला आपल्याकडे बोलावले आणि तिचा विनयभंग केला होता. हा प्रकार गुरुवारी पीडितेने आई-वडिलांच्या कानी घातला होता. त्यानंतर मुलीच्या आईने पोलिसांत तक्रार नोंदवली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.