Fatorpa Molestation Case: फातर्पा येथील एका विद्यालयातील विनयभंग केलेल्या ‘त्या’ पीडित विद्यार्थिनीची वैद्यकीय तपासणी करण्यात आली. या प्रकरणी पीटी शिक्षक रमेश गावकर याच्याविरोधात लैंगिक शोषण केल्याची तक्रार दाखल झाल्याने सध्या तो कुंकळ्ळी पोलिसांच्या कोठडीत आहे.
रमेश त्या विद्यार्थिनींचे लैंगिक शोषण करत असल्याचे विद्यार्थिनींनी स्पष्ट केले होते. मंगळवारी एक विद्यार्थिनीची वैद्यकीय चाचणी करण्यात आली आहे. याचा अहवाल लवकरच प्राप्त होणार असल्याची माहिती दिली आहे.
लैंगिक शोषणाला सामोरी गेलेली विद्यार्थिनी वयाने खूप लहान आहे. रमेश गावकर याने तिच्यासोबत केलेल्या लैंगिक शोषणाचा तिच्या मानसिकतेवर परिणाम झाला आहे.
व्हिएगस यांचे पत्र
बायलांचो एकवोटच्या अध्यक्षा आवडा व्हिएगस यांनी शिक्षण खात्याने गोवा बाल कायद्याच्या कलम ७ अंतर्गत, पोक्सो कायद्याच्या कलम १२ आणि माहिती तंत्रज्ञान कायदा २००० च्या कलम ६७, ६७ (ए) अंतर्गत सर्व मार्गदर्शन व त्यानुसार प्रशिक्षण प्रत्येक शाळेतील शिक्षकांना देणे आवश्यक आहे. यासाठी त्यांनी शिक्षण खात्याला पत्र लिहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
