कोलवाळ जेलमध्ये सतत अनेक घटना घडत असतात. आता हाती आलेल्या माहितीनुसार एक धक्कादायक घटना समोर आली आहे. कोलवाळ जेलमध्ये कार्यरत असणाऱ्या एका सुरक्षारक्षकाकडेच अमली पदार्थ असल्याचे उघडकीस आले आहे.
कोलवाळ पोलिसांनी ड्रग्जसह संदेश वरक या तुरुंग सुरक्षारक्षकास रंगेहात पकडले आहे. त्याच्याकडे गांजा आणि कोकेन असल्याचे समोर आले आहे. याबाबत कोलवाळ पोलिसांनी कारवाई केली आहे. तो गोवा मानव संसाधन विकास महामंडळाचा कर्मचारी आहे.
हे अमली पदार्थ जेलमधील कैद्यांना पुरुवण्यासाठी असल्याचा संशय यावेळी व्यक्त करण्यात येत आहे. यासंदर्भातील पुढील तपास सुरू आहे.
सतत चर्चेत असणाऱ्या कोलवाळ जेलमध्ये मध्यंतरी एका विदेशी महिला कैद्याकडून कारागृहातील सुरक्षारक्षक महिलेला मारहाण झाल्याची माहिती मिळाली आहे. मात्र तुरुंग प्रशासनाकडून पोलिस तक्रार करण्यास टाळाटाळ करत असल्याचे म्हटले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.